చిట్యాలలో ఘనంగా ఈద్ ఉల్ ఫితర్ వేడుకలు

​​చిట్యాలలో ఘనంగా ఈద్-ఉల్-ఫితర్ (రంజాన్) వేడుకలు 

ముస్లిం సోదరులకు శుభాకాంక్షలు తెలిపిన కాంగ్రెస్ నాయకులు

నెల రోజుల పాటు అత్యంత భక్తిశ్రద్ధలతో పాటించిన ఉపవాస దీక్షలు విరమిస్తూ, క్రమశిక్షణకు, దాతృత్వానికి ప్రతీకగా నిలిచే రంజాన్ (ఈద్-ఉల్-ఫితర్) పండుగను చిట్యాలలో ముస్లిం సోదరులు ఎంతో వేడుకగా జరుపుకున్నారు. శనివారం స్థానిక ఈద్గా వద్ద ముస్లింలు సామూహిక ప్రార్థనలు నిర్వహించి, ఒకరికొకరు ‘ఈద్ ముబారక్’ చెప్పుకుంటూ ఆనందాన్ని పంచుకున్నారు. ​ఈ సందర్భంగా పలువురు నాయకులు ఈద్గాను సందర్శించి, ముస్లిం సోదరులను కలిసి పండుగ శుభాకాంక్షలు తెలియజేశారు. ​ఈ సందర్భంగా నాయకులు మాట్లాడుతూ, రంజాన్ పండుగ మానవతా విలువలను, పేదరికం పట్ల సానుభూతిని పెంచుతుందని కొనియాడారు. కులమతాలకు అతీతంగా అందరూ కలిసి మెలిసి ఉండాలని, ఈ పండుగ అందరి జీవితాల్లో సుఖశాంతులు నింపాలని వారు ఆకాంక్షించారు.​ఈ కార్యక్రమంలో    జిల్లా కాంగ్రెస్ ప్రధాన కార్యదర్శి పోకల దేవదాస్ ,  కౌన్సిలర్లు ​కోనేటి ఎల్లయ్య, ​జేరిపోతుల సత్యనారాయణ, కాంగ్రెస్ నాయకులు ​పందిరి రమేష్, గుండెబోయిన సైదులు, చేపూరి యాదయ్య, ​ఎద్దుల పూరి కృష్ణ, ​దేశపాక రాజేష్, ​సిలువేరు శేఖర్, దామనూరి అశోక్, బూరుగు కృష్ణయ్య, కొసనం అశోక్,  ​దాసరి నరసింహ ఏనుగు నరసింహారెడ్డి, తరతరాలు పాల్గొన్నారు.