ఎస్ఆర్ఆర్ కళాశాలలో అమరవీరులకు నివాళులు
ఘనంగా 'షాహిద్ దివాస్': ఎస్ఆర్ఆర్ కళాశాలలో అమరవీరులకు నివాళులు
కరీంనగర్, భారత స్వాతంత్ర సంగ్రామంలో ప్రాణాలర్పించిన భగత్ సింగ్, సుఖ్దేవ్, రాజ్గురుల త్యాగాలను స్మరించుకుంటూ కరీంనగర్ జిల్లాలో 'షాహిద్ దివాస్' వేడుకలను ఘనంగా నిర్వహించారు. కేంద్ర యువజన వ్యవహారాలు మరియు క్రీడల మంత్రిత్వ శాఖ పరిధిలోని మేరా యువ భారత్ (MY Bharat) కరీంనగర్ విభాగం, ఎస్ఆర్ఆర్ (SRR) ప్రభుత్వ కళాశాల ఎన్ఎస్ఎస్ (NSS) యూనిట్ సంయుక్త ఆధ్వర్యంలో సోమవారం కళాశాల ప్రాంగణంలో ప్రత్యేక కార్యక్రమం జరిగింది.
యువతకు స్ఫూర్తి - అమరవీరుల త్యాగం
ఈ సందర్భంగా జిల్లా యువజన అధికారి (DYW) ఎం. వెంకట రాంబాబు మాట్లాడుతూ.. బ్రిటీష్ పాలకుల గడ్డపై భారత స్వాతంత్ర పతాకాన్ని ఎగురవేయడానికి ప్రాణాలను సైతం లెక్కచేయని భగత్ సింగ్, రాజ్గురు, సుఖ్దేవుల దేశభక్తి నేటి యువతకు ఆదర్శమని కొనియాడారు. వారి ఆశయ సాధన కోసం ప్రతి యువకుడు దేశాభివృద్ధిలో భాగస్వాములు కావాలని పిలుపునిచ్చారు.
విజేతలకు బహుమతుల ప్రధానం
షాహిద్ దివాస్ పురస్కరించుకొని నిర్వహించిన వ్యాసరచన పోటీలలో గెలుపొందిన విద్యార్థులకు అతిథుల చేతుల మీదుగా బహుమతులు అందజేశారు.
ప్రథమ బహుమతి: వి. సాగరిక
ద్వితీయ బహుమతి: కే. హాసిని
తృతీయ బహుమతి: ఎల్. వైష్ణవి
ఉత్సాహంగా సాగిన పాదయాత్ర
సమావేశం అనంతరం కళాశాల ప్రాంగణం నుండి పాదయాత్ర నిర్వహించారు. ఈ పాదయాత్రలో సుమారు 100 మంది యువతీ యువకులు ఉత్సాహంగా పాల్గొని అమరవీరులకు అనుకూలంగా నినాదాలు చేశారు.
ఈ కార్యక్రమంలో మేరా యువ భారత్ ప్రోగ్రాం అధికారి బి. రవీందర్, ఎస్ఆర్ఆర్ కళాశాల వైస్ ప్రిన్సిపాల్ టి. రాజయ్య, ఎన్ఎస్ఎస్ అధికారులు ఎలిజిబెత్ రాణి, డాక్టర్ కే. అర్జున్, టి. వెంకటేశ్వర్లు, స్టాఫ్ క్లబ్ సెక్రటరీ డాక్టర్ ఎం. శ్రీనివాస్ రెడ్డి, అసిస్టెంట్ ప్రొఫెసర్లు సోమ నరసయ్య, సత్యప్రకాష్ తదితరులు పాల్గొని ప్రసంగించారు.
