సంగారెడ్డి రూరల్ పోలీస్ స్టేషన్లో ఎస్పీ ఆకస్మిక తనిఖీ
సంగారెడ్డి రూరల్ పోలీస్ స్టేషన్లో ఎస్పీ పరితోష్ పంకజ్ ఆకస్మిక తనిఖీ
సంగారెడ్డి, ఏప్రిల్ 01: సంగారెడ్డి జిల్లా ఎస్పీ పరితోష్ పంకజ్ (IPS) బుధవారం జిల్లాలోని రూరల్ పోలీస్ స్టేషన్ మరియు సర్కిల్ కార్యాలయాన్ని ఆకస్మికంగా తనిఖీ చేశారు. ఈ సందర్శనలో భాగంగా స్టేషన్ పరిసరాలు, రికార్డులు మరియు కేసుల పురోగతిని ఆయన క్షుణ్ణంగా పరిశీలించారు.
రికార్డుల నిర్వహణ: జనరల్ డైరీ, హిస్టరీ షీట్లు, పిటిషన్ రిజిస్టర్లను తనిఖీ చేసిన ఎస్పీ, అన్ని రికార్డులను ఎప్పటికప్పుడు అప్డేట్ చేయాలని ఆదేశించారు.
కేసుల పరిష్కారం: పెండింగ్లో ఉన్న మరియు దర్యాప్తులో ఉన్న కేసుల వివరాలను అడిగి తెలుసుకున్నారు. ముఖ్యంగా పాత కేసుల పరిష్కారానికి ప్రత్యేక ప్రణాళికతో ముందుకెళ్లాలని ఎస్.హెచ్.ఓ కు సూచించారు.
రోడ్డు భద్రత - "అరైవ్ అలైవ్": రోడ్డు ప్రమాదాల నివారణకు "అరైవ్ అలైవ్" వంటి అవగాహన కార్యక్రమాలు చేపట్టాలని తెలిపారు. ప్రమాదకర ప్రాంతాలను (Black Spots) గుర్తించి, NHAI అధికారులతో చర్చించి మరమ్మతులు చేయించాలని సూచించారు.
నేర నివారణ: డ్రంక్ అండ్ డ్రైవ్, నాకాబందీలు నిర్వహించి అనుమానితులపై నిఘా ఉంచాలని, సైబర్ నేరాల పట్ల ప్రజలను అప్రమత్తం చేయాలని ఆదేశించారు.
సిబ్బందికి దిశానిర్దేశం:
అనంతరం పోలీస్ సిబ్బందితో మాట్లాడిన ఎస్పీ, బాధితులతో మర్యాదగా ప్రవర్తించాలని మరియు విధి నిర్వహణలో నిబద్ధత చాటాలని కోరారు. ఉత్తమ ప్రతిభ కనబరిచిన సిబ్బందిని ఈ సందర్భంగా ఆయన అభినందించారు. సిబ్బంది సంక్షేమానికి తమ ప్రాధాన్యత ఉంటుందని, వ్యక్తిగత సమస్యలు ఉంటే తన దృష్టికి తీసుకురావాలని భరోసా ఇచ్చారు.
జిల్లా పోలీస్ కార్యాలయం, సంగారెడ్డి.
