వెలిగొండ ప్రాజెక్టు ప్రారంభోత్సవానికి ఏర్పాట్లు ముమ్మరం..

వెలిగొండ ప్రాజెక్టు ప్రారంభోత్సవానికి ఏర్పాట్లు ముమ్మరం.. పరిశీలించిన మంత్రులు

ఈ నెల 31న ముఖ్యమంత్రి చంద్రబాబు పర్యటన నేపథ్యంలో పనులపై సమీక్ష

పూల సుబ్బయ్య వెలిగొండ ప్రాజెక్టు ప్రారంభోత్సవానికి రాష్ట్ర ముఖ్యమంత్రి నారా చంద్రబాబు నాయుడు ఈ నెల 31న హాజరుకానున్న నేపథ్యంలో ఏర్పాట్లు ముమ్మరంగా సాగుతున్నాయి. ప్రాజెక్టు పూర్తవుతున్న పనులు, ముఖ్యమంత్రి పర్యటన ఏర్పాట్లను రాష్ట్ర మంత్రుల బృందం పరిశీలించింది.

రాష్ట్ర దేవాదాయ శాఖ మంత్రి ఆనం రామనారాయణ రెడ్డి, జలవనరుల శాఖ మంత్రి నిమ్మల రామానాయుడు, పురపాలక శాఖ మంత్రి పొంగూరు నారాయణ, సాంఘిక సంక్షేమ శాఖ మంత్రి డోలా బాల వీరాంజనేయ స్వామి, విద్యుత్ శాఖ మంత్రి గొట్టిపాటి రవికుమార్ ప్రాజెక్టు ప్రాంతాన్ని సందర్శించి అధికారులతో సమీక్ష నిర్వహించారు.

జిల్లా కలెక్టర్ ఎం. విజయ సునీత, ఎస్పీ హర్షవర్ధన్ రాజు, ఓఎస్డీ నవజ్యోతి మిశ్రా తదితరులు పాల్గొని భద్రతా ఏర్పాట్లు, సభా ప్రాంగణం, రాకపోకల మార్గాలు, ఇతర సౌకర్యాలపై వివరాలు తెలుసుకున్నారు. ముఖ్యమంత్రి పర్యటనను విజయవంతంగా నిర్వహించేందుకు అన్ని శాఖల అధికారులు సమన్వయంతో పనిచేయాలని సూచించారు.