30 సిలిండర్లతో డెలివరీ బాయ్ పరార్..!

విశాఖలో గ్యాస్ సిలిండర్ మోసం – 30 సిలిండర్లతో డెలివరీ బాయ్ పరార్..!

విశాఖపట్నంలో గ్యాస్ సిలిండర్ డెలివరీ పేరుతో మోసం చోటుచేసుకుంది. చిన్నగంట్యాడ ప్రాంతంలోని ఓ గ్యాస్ ఏజెన్సీలో పనిచేస్తున్న అప్పారావు అనే డెలివరీ బాయ్, కస్టమర్లను మోసం చేసి 30 గ్యాస్ సిలిండర్లతో పరారయ్యాడు.

సమాచారం ప్రకారం, డెలివరీకి వెళ్లే ముందు కస్టమర్ల వద్ద నుంచి OTPలను తీసుకుని, గ్యాస్ సిలిండర్లు ఇచ్చినట్టు చూపించి వాటిని అప్పగించకుండా మాయమయ్యాడు. ఈ విధంగా సుమారు 30 సిలిండర్లను అక్రమంగా దోచుకుని తప్పించుకున్నట్లు తెలుస్తోంది.

ఈ ఘటనపై మణికంఠ గ్యాస్ ఏజెన్సీ సిబ్బంది గాజువాక పోలీసులకు ఫిర్యాదు చేశారు. కేసు నమోదు చేసిన పోలీసులు నిందితుడి కోసం గాలింపు చర్యలు ప్రారంభించారు.

OTPలను ఎవరితోనూ పంచుకోవద్దని పోలీసులు హెచ్చరిస్తున్నారు.