గుత్తిలో విద్యార్థులకు అవగాహన కల్పించిన పోలీసులు

అనంతపురం జిల్లా పోలీసు అధికారి జగదీశ్  సూచనల మేరకు, గుంతకల్ ఉపవిభాగ పోలీసు అధికారి శ్రీనివాస్ ఆధ్వర్యంలో బుధవారం గుత్తి పట్టణంలోని జెడ్పీహెచ్ బాలికల పాఠశాలలో విద్యార్థినులతో అవగాహన కార్యక్రమం నిర్వహించారు.

ఈ సందర్భంగా గంజాయి వంటి మాదకద్రవ్యాల వినియోగం వల్ల కలిగే దుష్పరిణామాలు, మహిళలు మరియు చిన్నారులపై జరిగే నేరాలు, పోక్సో చట్టం, బాల్య వివాహాల నిషేధం, సైబర్ మోసాల నుంచి రక్షణ, రోడ్డు భద్రతా నిబంధనలు, స్త్రీరక్ష యాప్ వినియోగంపై విద్యార్థినులకు వివరించారు.

అనుమానాస్పద సంఘటనలు లేదా నేరాలు గమనించిన వెంటనే పోలీసులకు సమాచారం అందించాలని సూచించారు. అలాగే ఈ అంశాలపై తమ కుటుంబ సభ్యులకు కూడా అవగాహన కల్పించి, అందరూ అప్రమత్తంగా ఉండేలా చూడాలని విద్యార్థినులకు సూచించారు.