ట్రంప్ అల్టిమేటమ్.. వెనక్కి తగ్గిన ఇరాన్

ట్రంప్ అల్టిమేటమ్.. వెనక్కి తగ్గిన ఇరాన్

అమెరికా అధ్యక్షుడు డొనాల్డ్ ట్రంప్ ఇచ్చిన 48 గంటల గడువు ప్రభావంతో ఇరాన్ కీలక నిర్ణయం తీసుకుంది. హార్ముజ్ జలసంధి మార్గంలో వాణిజ్య నౌకలు వెళ్లేందుకు అనుమతి ఇవ్వడానికి అంగీకరించింది.

అయితే శత్రు దేశాలకు చెందిన నౌకలను అనుమతించబోమని ఇరాన్ షరతు విధించింది. దీంతో పూర్తిగా మార్గం తెరవకపోయినా, ప్రపంచవ్యాప్తంగా నెలకొన్న చమురు సంక్షోభానికి కొంత ఉపశమనం లభించినట్లు భావిస్తున్నారు.

ప్రపంచ చమురు రవాణాలో హార్ముజ్ జలసంధి అత్యంత కీలక మార్గం కావడంతో, అక్కడ ఉద్రిక్తతలు పెరిగితే అంతర్జాతీయ మార్కెట్లపై ప్రభావం చూపే అవకాశం ఉంది.

అయితే ఇరాన్ పూర్తిగా జలసంధిని తెరవకపోవడంతో, గడువు ముగిసిన తర్వాత ట్రంప్ తదుపరి చర్యలు ఎలా ఉంటాయన్నది ఇప్పుడు చర్చనీయాంశంగా మారింది.