అమెరికాలో రోడ్డు ప్రమాదంలో తెలంగాణ వాసి మృతి

మహబూబాబాద్: అమెరికాలో జరిగిన రోడ్డు ప్రమాదంలో తెలంగాణకు చెందిన వివాహిత మృతి చెందినట్లు సమాచారం. మహబూబాబాద్ జిల్లా మరిపెడ మండల కేంద్రానికి చెందిన దారం సుప్రియ (31) ఉద్యోగరీత్యా అమెరికాలోని మిస్సోరి రాష్ట్రంలో నివాసం ఉంటున్నారు.

సుప్రియ ప్రయాణిస్తున్న కారును వెనుక నుంచి ఓ ట్రక్ ఢీకొట్టినట్లు సమాచారం. ఈ ప్రమాదంలో సుప్రియ అక్కడికక్కడే మృతి చెందినట్లు తెలిసింది.

అదే కారులో ప్రయాణిస్తున్న భారత్‌కు చెందిన మరో యువతికి తీవ్ర గాయాలైనట్లు సమాచారం. ప్రమాదానికి సంబంధించిన పూర్తి వివరాలు తెలియాల్సి ఉంది.