తెలంగాణ టెట్ నోటిఫికేషన్ విడుదల

తెలంగాణ టెట్ నోటిఫికేషన్ విడుదల 

జూన్ 15 నుండి పరీక్షలు

తెలంగాణ రాష్ట్రంలో ఉపాధ్యాయ కొలువుల కోసం ఎదురుచూస్తున్న నిరుద్యోగులకు ఊరటనిస్తూ, పాఠశాల విద్యాశాఖ 'తెలంగాణ ఉపాధ్యాయ అర్హత పరీక్ష (జూన్ 2026 నోటిఫికేషన్‌ను సోమవారం విడుదల చేసింది. ఈ మేరకు టెట్ చైర్మన్ మరియు పాఠశాల విద్యాశాఖ డైరెక్టర్ డాక్టర్ ఇ. నవీన్ నికోలస్ అధికారిక షెడ్యూల్‌ను ప్రకటించారు.
​ఏప్రిల్ 15 నుండి దరఖాస్తుల స్వీకరణ ఉంటుందని,
​అభ్యర్థులు ఈ ఏప్రిల్ 15వ తేదీ నుండి 30వ తేదీ వరకు ఆన్‌లైన్ ద్వారా దరఖాస్తు చేసుకోవాలని అధికారులు సూచించారు. దరఖాస్తు రుసుమును కూడా ఇదే గడువులోగా చెల్లించాల్సి ఉంటుందని పేర్కొన్నారు.. వెబ్‌సైట్‌లో సమాచార బులెటిన్ ఏప్రిల్ 15న అందుబాటులోకి రానుంది. ఈ పరీక్షలను ​జూన్ 15 నుండి 30 వరకు కంప్యూటర్ ఆధారిత పద్ధతిలో పరీక్షలు రెండు స్టేషన్లో నిర్వహించనున్నారు. మొదటి సెషన్  ఉదయం 9.00 నుండి 11.30 వరకు, ​రెండవ సెషన్ మధ్యాహ్నం 2.00 నుండి 4.30 వరకు ఉంటాయని తెలిపారు. అభ్యర్థులు తమ హాల్ టికెట్లను జూన్ 9వ తేదీ నుండి డౌన్‌లోడ్ చేసుకోవచ్చు. టెట్ దరఖాస్తు ప్రక్రియలో అభ్యర్థులకు తలెత్తే సందేహాల నివృత్తి కోసం ప్రత్యేకంగా హెల్ప్ డెస్క్ ఏర్పాటు చేశారు. పని దినాల్లో ఈ సేవలు అందుబాటులో ఉంటాయి. పూర్తి వివరాలకు అభ్యర్థులు https://schooledu.telangana.gov.in వెబ్‌సైట్‌ను సందర్శించాలని అధికారులు కోరారు.